اهلا بكم فى موقع اسدل للشعر

امثال تتيمة

الحاجة اللى تدور عليها ما عليهاش نور	حاجة بدعناها و لا طلعنا لقيناها
حاطط مسلته فى قفا غيره	الحاجة المفرطة للقطط المسلطة
الحال على حال و الطحين على عياره	حافظ على مالك يزيد النص
حاميها حراميها	حالق راسه و عدمان ناسه
الحب مالوش كبير	الحب أعمى و أطرش
حب ووارى و اكره و دارى	الحب مستغنى عن الجمال
حبايبى رأيتهم ناقص حيطان بيتهم	الحب يعمل المستحيلات
حبة على حبة تملا قبة	الحبلة تمشى و تتمايل و تحسب ان الحبل دايم
حبنى و خد لك زعبوط قال : هى المحبة بالنبوت	حبنى و خد لك ريال ، هى المحبة بالحيال ؟!
الحريص محروم	حرمة من غير راجل زى الطربوش من غير زر
الحزينة فى حزانها و الفايقة بتسلك فى سنانها	الحزن مش كده يا خايبين الرجا
الحسن و الجمال زمانه بينقضى و العقل و الحشمة خيار البضايع	الحس عالى و الفراش خالى
الحسنة المدارية فى البيع و الشرا	حسنة قليلة تمنع بلاوى كتيرة
حسنة يا سيدى قال سيدك بيشحت	حسنة و أنا سيدك
حط ايدك على عينك زى ما توجعك توجع غيرك	حصيرة الصيف واسعة
حط السمن على الرماد يتاكل	حط راسك فى وسط الروس و ادعى عليها بالقطع
حط السمن على التراب يتاكل	حط السمون على الرمول تتاكل
حط فيه يبان حواليه	حط فى مدوده تلاقيه فى مرقده
حطوا على كلكم لما الهم خلانى لكم	حط القرش على ودن القرد يلعب
حطيت صوابعى العشره فى الشق	حطى جوزك فوق السطوح ان كان فيه خير ما يروح
حلاوة حديت الأخ لاخواته عسل مكرر فى خلاياته	الحلابة و لا الدق فى العجول
حلاوة اللسان عزوة بلا رجال	حلاة حديت الأخت للخيه سكر مكرر يا اختى ما طالته ميه
حلم الجعان عيش	حلبوا قردة كشت قالوا : يغور اللبن اللى ييجى من وشك
الحلو طوق فى السدران عطل حاله شاهد جماله	حلنى يكون ماتت ناس و حيت ناس
الحلو ما يكملش	الحلو حلو و لو قام من النوم و الوحش وحش و لو غسل وشه كل يوم
الحما عقرب تقرص و تهرب	الحلوه تجيب الزين و الشين
حماتى مناقرة ، قال : طلق بنتها	الحما حمة و لو كانت ملكة من السماء
الحمار العكس يقع فى اردى الآنية	حمار الصيف حمار الشتا
مال ما هو لك عضمة حديد	حمار ما هو لك عضمة حديد
حمار و طور و جاى يتلاعب علينا	الحمار المكر يقع فى اردى التلاليس
الحمل ثلاثة و حم و ثلاثة سأم و ثلاثة شحم	حمارتك العرجة تغنيك عن سؤال اليتيم
الحيطة لها ودان	الحيا سنة و مسح الجوخ فرض

الخالة و الدة	الخال والد
الخالى غالى	الخالصة لها فى البر طريق
الخايب زى بياع البدنجان ما يهاديش صاحبه إلا بالسودة	الخايب خايب و يطلع من الدنيا بلا نايب
الخبر مع مين ؟ مع المكسحين	خايف أقول يانى و العدو جنبى ، خايف أقول يانى يقول خلص ذنبى
خدام يخدم خدام من ميلتك يا زمان	خد بنت الأصول مع الزمان تدور
خد بنت الندل و خاصمه	خد بنت الأصول لزمان يطول
خد الحلو و اقعد قباله و ان جعت شاهد جماله	خد الجميل و اقعد فى ضله
خد رعنتهم و لا تاخدش ساهيتهم	خد خميسة و ان شاء الله ما قرا
خد الغندور و اقعد قدامه	خد الصبى على صبيانك يا مشتهى الدرية
خد لك من كل بلد صاحب و لا تاخد من كل بلد عدو	خد الغندور و نام قدام الكانون
خد من دقنه و افتل له	خد من التل يختل
خد من ديله و افتل له حبل	خد من ديل الشب و ارخى على الفرقلة
خد من الطاقة و حط فى الطاقة تلاقى فى الطاقة	خد من الزرايب و لا تاخد من القرايب
خد من قرنه و ادهن له	خد من عبدالله و اتكل على الله
خد و ادى تكسب ودى	خد من لسانه و اكتب على جبينه
خدتك دهب كسر من حدا الوزان برضاى و ضمنت عيبك و لو كان حد وياي	خد الورد و شمه القلب زهقان منه
خدها فى كمك لتغمك	خدتك سلف من العوز يا سنبلة روحى خدتك اكيد العوازل كدت انا روحى
خدهوم بالصوت ليغلبوكم	خدوا جوز العاقلة اتجننت
خدوهم فقراء يغنيكم ربنا	خدوا فالكو من عيالكم
خدى بختك من حجر اختك	خدى بختك من ايد اختك
خرطه الخراط و اتمدد مات	خدى شايب يدلعك و لا تخدى صبى يلوعك
خسارة الشوية و لا خسارة البنية	خسارة الربعية و لا خسارة البنية
خسارة قريبة و لا مكسب بعيد	خسارة فى المال و لا خسارة فى العيال
خش بشى تنتشى	خسر سوقك و لا تخسر فلوسك
خطوة عزيزة	الخضرا تنجى من النار
خف على بهيمك يطول عمره	خف تعوم
خلف يشرف و خلف يقرف و خلف يجيب العار لحد الدار	خلص تارك من جارك
خلق ناس و تحفهم و كبب ناس و حدفهم	خلفتهم لما حفى ديلى و ربيتهم للغير يا ويلى
خلو العسل فى قناطيره لما تيجى له تساعيره	خلقته لركبته و عشرة فى خدمته
خلى عدوك بره و اتكلم كلمة لله	خلى الزمان يعمل ما بدا له اللى حوجنا للندل و سؤاله
خليك فى حالك يزيد رسمالك	خلى فى العين دموع
خليكى يا ما حبتينا خليكى نشكى علتنا	خليك ورا الكداب لحد باب البيت
الخنفسة فى عين أمها عطارة	الخنفسة تقول ما أحلى ولادى على الحيط لولى و مضلمين فى خيط و يقول لها الجعران من حسننا طالعين و لادنا زينا
الخوف يربى الجوف	الخوف بالعين
الخيبة عز تانى	الخيبة حطة و الباب مفتوح سده قوام لريحتها تفوح
خيار الناس اللى تكسب الناس منه	خيبة الناس السبت و الحد و خيبتى ماهيش على حد
خير تعمل شر تلقى	الخير بيخير و الفقر بيغير
الخير على قدوم الواردين	خير الشبة يبان على الضبة
خير الكلام ما قل و دل	خير فيمن بكانى و بكى الناس على و لا خير فيمن فرحنى و فرح الناس فى
الخير يخير لما الفقر يدنى و يغير	خير ما عملنا الشر يجينا منين
الخيرة فيما اختارها الله	الخيرة فى الوقعة

الداخل بخاطره و الخارج بخاطر الناس	الداخل بينهم خارج
الدارج دارج و لو مشيت عليه النوارج	الدار اللى ما فيهاش لبن خراب زعق فيها أم قويق و الغراب
داهية تخفى الشرك و إذا كان فى الغدا	دارى على شمعتك يا ابتليت دارى
دبور زن على خراب عشه	دبقى يا خايبة للغايبة
دس ما حد يحس	دخان الشتا زفردخل الضيف على الحلى قال له انت مين
دقة بدقة و لو زدنا لزاد السقا	دعا الحما من الحِمى
الدكان جنب الدكان و الرزق على الرحمن	دقوا الطبلة و جريت الهبلة
دلع الفقارى يفقع المرارة	الدكان جنب الدكان و الرزق على الله
دلعونى لأغضب	الدلع فى الكبير زى الزغزغة فى الحمير
دماغ من غير كيف تستاهل سيف	الدم ما يبقاش ميه
الدنيا دى أشغال شاقة و آخرتها اعدام	الدنيا حظوظ و مزاجات
الدنيا غدارة و اللى متغطى بيها عريان	الدنيا زى الغازية ترقص لكل من كان شوية
دنيا فنيا و الزمن باس	دنيا غرورة
الدنيا لذتها شقاها	الدنيا كده ساعة غالب و ساعة مغلوب
الدنيا ماشية بالمشوار و انا اللى عقلى مندار	الدنيا ما تغنيش عن الآخره
دنيا و اللى مستغطى بيها عريان	الدنيا ما لهاش أمان
ده فى السوق و ده فى السوق و الرك على النصيب	ده عادتك و لا هتشتريها ، دى عادتى و متقندلة فيها
ده مال سايب	ده قطته جمل و براغيته رجاله
الدهب يعوز النخالة	دهان على وبر ما ينفع الجربان
دوا العدس كمره	الدهن فى العتاقى
دود المش منه فيه	دوام الحال محال
دور الحق على غطاه لما التقاه	دور تبقى غندور
دور على ميتك تسخن	دور الزير على غطاه لما التقاه
دونى و دونك الميدان و القصير و الطويل بيان	دور مع الزمان يدور معاك
دى عادتك و ال هتشتريها ؟ دى عادتى و متربى فيها	الدى على الودان أمر من السحر
الدى فى الودان يقلب القفدان	دى عوجة القرطة و ايدها فرطة
الذوق ما فاتش باب النصر	ديل الكلب لم يتعدل و لو علقت فيه قالب

الراجل ما يعيبه إلا جيبه

naoman2005@hotmail.com

الخايب خلفته كتير و البطيخة القرعة لبها كتير
راحت رجال العز و الهيبة و قعدت رجال ما تختشى العيبة	راح النور و قعد القوار
راسه و لا راس التيس	راحت الناس و فضل النسناس
رايح فين يا زغلول بين الملوك	الرامب أحسن من الماشى
ربك و جارك عالم بحالك	رايحين تبرموا على مين و احنا كلنا برامين
ربنا بيرزق الكتف بطوبة صحيحة	ربنا بيرزق الديب العجوز بالنعجة السمينة
ربنا رب قلوب	ربنا خلق البحر و مده كل واحد على قده
ربنا قبل ما يبلى بيدبر	ربنا قبل ما بيبلى بيصبر و قبل ما يكسر بيجبر
ربنا مريح العرايا من غسيل الصابون	ربنا ما بيديش عايز
رب هنا رب هناك	ربنا موجود فى كل الوجود
ربنا يبعت للعويلة ولد تقعد جنبه و تنسند	ربنا هو المخلصان
ربنا يفدى شئ بشئ	ربنا يخليك يا بكبك يا للى أمك تتحجج بك
ربى العجال على قفا الأندال	ربى ابن ابنك و ابن بنتك لأ و ابنى فى ملكك و ملك غيرك لأ
الربط غلب العفريت	ربيت كلبى و اندار عقرنى لا خير فى تربية الكلاب
الرجالة غابت و الستات سابت	الرجالة عند اغراضها نسوان
الرجل تدب مطرح ما تحب	رجل بره و رجل جوه
رجل دارت عارت إما سرقت أما فتنت إما قالت	رجعت ريمة لعادتها القديمة
الرجم بالطوب و لا الهروب	رجعت حليمة لعادتها القديمة
الرخيص غالى و الغالى رخيص	رحت للحواية حوتنى و رحت لأم أربعة و أربعين قرصتنى
الرزق الديق بيريح صاحبه	الرزق الخفيف بيريح صاحبه
رزق الهبل على المجانين	رزق الشباب ورا الباب
الرزق يحب الخفه و المبدر رزقه أكتر	الرزق يحب الخفية
رش المية عداوة	الرزق يوم بيوم و الأرزاق على الله
الرغيف اللى يلمع للصاحب اللى ينفع	رطل نحاس بيغنى ناس
الرك مش على النون الرك على ايد الزنزن	الرك على النية
ركبتك يا اعرج العرج حطيت رجالك فى الخرج	ركب الخليفة و انفض المولد
الروح من حديد ما بتطلع ورا حبيب	ركبى سابت
ريحة البر و لا عدمه	ريحة الإدام و لا عدمه
	الريس يحبك امسح ايدك فى القلع

تاكلى فى عيشة و تهدى فى خيشة	التاجر لما يفلس يدور فى دفاتره القديمة
تبقى فى ايدك و تقسم لغيرك	تبقى فى حنكك و تقسم لغيرك
تجارة الكتب عاوزة مال قارون و صبر أيوب	التجارة شطارة
تحت البراقع سم ناقع	تجمعهم ثومة و تفرقهم شومة
افتكرنا تحت القبة شيخ	تحت القبة شيخ
التخن على الجميز	تحلف لى أصدقك اشوف أمورك استعجب
تسيب النهار أبو عينين و تيجى لليل أبو قردين	تراعينى قيراط أراعيك قيراطين و تشوفنى بعين أشوفك باتنين
تشرق و احنا فى القصور و تغرب و احنا فى القبور	تشتم أبويا الرخيص أشتم أبوك الكويس
تصوم و تفطر على بصلة	تشفيط ما يملاش قرب
شغل ساعة و لا كل ساعة	تعب ساعة و لا كل ساعة
تعز من فى العيلة ؟ قال اللى بطبطب عليها كل ليلة	تعرف فلان ؟ أى .. عاشرته ؟ لا .. تبقى ما تعرفوش
التعليم فى الكبير زى النخس فى الحمير	تعلم فى المتبلم يصبح ناسى
تغور الجنينة اللى حارسها القرد	تعمل من الزبيبة خمارة
تفطس و لا سكينة اللئيم	تفرى من مقدرى لا تقدرى
تفوت على الجزار تعيط	تفطس و لا سكينة الندل
تقيل الدم إذا أحس بدمه طفح الدم من حلقه	التقل ورا يا قبانى
تكون فى غيرك و تقسم لغيرك	التقيل فى القعر
تموت الحداية و عينها فى الصيرة	تموت الحداية و عينها فى الصيد
تناها عل ضهر ايدها	تموت الحداية و ديلها يلعب
تور الحرت ما يتكمم	تنصح الجاهل يعاديك
تيجى يصيبه يصيبك	تولد كل يوم مية و تقول يا قلة الذرية
	تيجى مع العور طابات

جابوا اعورنا يقيد نوارنا	جاب عاليها واطيها
جاتك داهية فى أبوك اللى مات من الجوع قال : هو لقى أكل و لا كلش	جابوا عدوتى مغسلتى
الجار أولى بالشفعة	جاتها خيبة اللى عايزة الخلف
جارية و تحب لها جوار على خيبتك يا زمان	الجار جار و لو جار
جاور الحاوى و لا تجاورمحلاوى	جالك الموت يا تارك الصلاة
جاى يطل غلب الكل	جاى امبارح يملك المطارح
جايب الغراب لآمه خرية فى كمه	الجايات أكثر من الراحات
جنت الآقرع يونسنى خلع راسه وخوفنى	جبال الكحل تفنيها المراود وكتر المال تفنيه السنين
جبت الديك من ديله	جبت سيرة القط طلع ينط
جبت العمية ترد الرمية	جبت سيرة القط طلع ينط
جبر الخواطر على الله	جبتك يا عبد المعين تعيننى لقيتك يا عبد المعين تنعان
جت لى شرقة فى ريقى بينت عدوى من حبيبى	جت العازبة تشكى لقت المتجوزة بتبكى
الجد جد و الشغل شغل	جحر ديب يساع ميت حبيب
جرى الرجالة زى بحر النيل و جرى الولاية زى نقط الزير	جر السحلية و لا قطع الدرية
جعان افت لك	جزرة قطمها جحش
جعران عشق خنفسه و خلع لها توبه و بنى لها قصر و شال لها طوبه ما يوافق الزبون الزفت إلا محبوبه	جعان افت لك ، تتعشى و لا تبات خفيف
جم يساعدوه فى دفن أبوه سابهم و مشى	جلد على عضم
الجميل له اللى أجمل منه	الجمل يمشى و يحدف لورا يشوف عيوب الناس و عيوبه لا ترى
الجنب اللى يريحك نام عليه	الجنازة حارة و الميت كلب
جه المزين يفتح باقرع استفتح	جنة من غير ناس ما تنداس
جود بالموجود	الجواز قسمة و نصيب
جوز البنية أغلى من نور عنية	الجودة من الموجود
جوز الضراير غندور و لو كان له بربور	جوز الصبية على الفراش بيقول الحى عندى أبقى من الميت
جوزوا حميدة لعبد الحميد و ليهم على الخد كراته و نقطوهم بقشر الفسيخ من مجرم لشحاته	جوزت ابنى لبنتى الوش وش بنتى و القفا قفا مرات ابنى
جوزها يوفرها و عشيقها يجرجرها	جوزك يحبك قوية و جيرانك تحبك سخية و اهلك يحبوك غنية
جواب النحس على طرف لسانه	الجواب الحلو يبان من عنوانه
الجوع كافر	جوع سنة و اشبع العمر كله
جوعه على جوعه تخلى الصبية زوعة	الجوع ما بيخليش مرابط
جيب البر اللى عمره ما يقر	جوعه العويل يوم تربى له ماليه سنة
جيب السبع ما يخلاش	جيب السبع ما يخلى و إذا كان مخلى
جيب ابيع الكتان ماتت النسوان و جيت أتاجر فى الحنة كترت الأحزان	جيبك أقرب من ايدك
جيت أدوقه كلت عروقه	جيت أبيع الحنة كترت الأحزان و رحت أعمل مسحراتى قالوا راح رمضان
جيت أغير البخت ما تغير اتارى قليل البخت متحير	جيت أغير البخت لبخت
الجعان يقطع الحبل و العطشان يكسر الحوض

الباب المفتوح عمره ما ينقفل	الباب اللى يجيلك منه الريح سده و استريح
الباب المقفول يرد القضا المستعجل	الباب المفتوح مفضوح
بات غلبان و لا تباتش ندمان	باب النجار مخلع
الباشا من هيبته بيشتم فى غيبته	بات مغلوب و لا تبات غالب
البايرة فى بيت أبوها	البانى طالع و الفاحت نازل
بتجرى الخايبة للغايبة	بتضحك على ايه و حملك من ورا مايل
بجوالته يربى رجالته	بتحلى الجزار فى الذبيحة
البحر واحد و السمك ألوان	البحر للخلخال
البحر يروق و يتعكر	البحر يحب الزيادة
البخت لو مال يبقى البخت من حظك	بخت العفنة بالحفنة و بخت الشطار شمر و طار
بختك يا بو بخيت	بخت الوحشة يزيد حفنه
البداية صعبة	بختى أمى أداتهلى كان شوية زودته لى
بدروا بالافطار قبل ما تجيكوا الأخبار	بدرهم و ايده خضرة
بدل ما يرهن لك بيعه	البدرية بتولد خروف و الكلبة بتولد ألوف
برد الصيف أحد من السيف	بدوى مجروح لقى نمر مطروح قال فين أروح
برة وردة و جوة قردة	البرطيل شيخ كبير
برية يا أمه من الحمة و لو كانت ملكة من السما	البركة فى اللمة
بركة يا فنا اللى خدته هو و خلتنى أنا	بركة يا جامع جت منك و ما جتش منى
بصلة المحب خروف	بالصبر تبلغ ما تريد
البط بطك ؟ لأ و الوز وزك ؟ لأ لا بط لك و لا حراسة عليك	بضاعة و الناس جواعة ؟ !
بطلوا ده و اسمعوا ده	بطل مشمش يطلع عنب سنة طويلة و لها ذنب
البطن قلابة	البطن بتجيب الزين و الشين
البطيخة القرعة لبها كتير	البطن يا ما تجيب
بطينه و لا غسيل البرك	البطيخة ما تكبرش إلا فى لبانتها
بعد جوعه يرجع لمرجوعه	البعد جفا و القرب صفا
بعد سنة و ست أشهر جت المعزين تلطم	بعد السلام تفتيش الأكمام
البعد عن الناس غنيمة	بعد الكتير و بعد ما كنا صبح القليل يجبر بخاطرنا
بعد ما راح بقى سكرة	بعد العيد ما يتفتلش كحك
بعد ما كان بيحجل زى الغراب لبس جزمة و شراب	بعد ما شاب ودوه الكتاب
بعدك عن الناس أوفر لك و ابقى لك ينصان عرضك و يتوفر عليك مالك	بعد ما كان بينام على المصطبة نجدله لحاف و مرتبة
البقرة لما تقع تكتر سكاكينها	بغدود نابت يقضيك و تعيش نفسك عفيفة و بكرة الموت يأتيك و راسك تساوى راس الخليفة
بكرة تروحى يا ناكرة خيرى و تشوفى زمانى من زمان غيرى	البكا على راس الميت
بكرة تيجى أيامك يا عوجة	بكرة تقوم القيامة و ينصبوا الميزان و يبقى المعدى يعدى و الشقى حيران
بكرة نقعد على الحيط و نسمع الزيطة	بكرة الفار يقع فى المصيدة
بكرة يقعد على البساط و ينقى ست الستات	بكرة نقعد على القش و ننفش
البلاش كتر منه	البكرية زى العروسة المجلية
بلدك فين يا جحا قال : اللى فيها مراتى	بلدك فين يا جحا قال : اللى فيها مراتى وولادى
بنا و فاعل	بلد محدش يعرفك فيها امشى و شنكح فيها
البنات زى البرسيم ساعة كده و ساعة كده	بنات الحراير دخاير
بنت الأصل تخاف من العار و لو بالنار ضربوها	البنات على قفا من يشيل
البنت ضرة أمها	بنت بلا أمها تلعب بكمها وولد بلا أبوه يركب المرجيحة
بنت المليحة فضيحة	البنت لما تكبر تقول الجبر يا القبر
ابن موت	بنت موت
البندقية فيها شيطان	بندقى فى حيط و لا جاموسة فى غيط
بوس ايد حماتك و لا تبوس ايد مراتك	بنى آدم فيه طبع و الطبع فيه غالب ديل الكلب ما ينعدل لو علقت فيه قالب
البوسة فى إيده رطل	بوس راس مراتك فى الفرشة و لا تبوسهاش فى الجلسة
بيبقوا اختين و لهم طبعين	بياكلوا بيصار و بيقلدوا من الناس الكبار
بيت النتاش ما يعلاش	البيت بيت أبونا و الغرب بيطردونا
بيحط على الغلبان لما يستعجب القوى	بيت ينشرى و بيت ينكرى و بيت يغور بسكانه
البيض الجربان يلم على بعضه	البير الحلوة نازحة
بيضة النهاردة احسن من فرخة بكرة	بيض الفرخة أحسن من ليلتها
بيع الجمال و اشترى خفه ، الجمال كتير بس الخفيف صدفة	بيضرب عصى على رجلين غيره
البيع و الشرا حرية	بيع و اشترى و لا تنكرى
بيعمل للعجور سكاكين حامية	بيعة المندرة غندرة
بيقولوا طور يقولوا احلبوه	بيعمل من الحبة قبة
بيكملوا الحجة بسرقة الجمل	بيكايد و صرمة جلايد
بيلعب بالبيضة و الحجر	بيلاعب الحية و يخاف من التعبان
بين البايع و الشارى يفتح الله	بين للجعان قرصة يعقل
بين النهار و الليل ياما يسوى عجايب	بين الفرج و الديقة قد الديقة
	بينهج فى الضل

أدي الباب و آدى الباب و الرزق على الرحمن	أخد ابن عمي و اتنشر عليه بكمي و آخد ابن خالي و اتنشر عليه بشالي
آدى الجمل و آدى النخلة	أدى الجمل و آدى الجمال
آدينى حيه لما أشوف اللى جيه	آدي السما و آدى الأرض
أهو حشر مصران	أكل فول و أخرج قفاي عرض و طول و لا آكل كباب ووقفة الديانة ورا الباب
ابطى و لا تخطى	آى تقضي شغل و لا تقضى اثنين
ابعد عن الشر و غنى له و لا تقنى له	ابعد عن الشر و غنى له
ابن بطني يفهم رطني	ابعدوا تبقوا عسل واقربوا تبقوا بصل
ابن السمان غلب ابن الجزار	الابن الردي بيجيب لأهله اللعنة
ابن عمها ينزلها من على الحصان	ابن الشيبة للخيبة
ابن الوز عوام	ابن الكُبة طلع القبة و ابن اسم الله خده الله
ابن يومين ما يعيش ثلاثة	ابن يوم ادى له يوم و ابن سنة ما تحاسبوش
ابنى فى ملكك و ملك غيرك لأ و احكم بطبعك و طبع غيرك لأ و ربي ابن ابنك و ابن بنتك لأ و الميه تنزل فى الواطي و العالى لأ	ابنك ما يبقاش ابنك الا لما تجيبه من فوق كراسى قلبك
ابوك البصل و أمك التوم منين تجيك الريحة الحلوة ما مشئوم	الأبوص أحسن من الدبوس
أبو مية بيحسد أبو حولية	أبويا الكلب وطا بى و جوزي السبع علا بى
الأبيض غلب الأسود	أبويا نهاني و قالى على الكسل بطال ، اعمل بخمسة و حاسب البطال
اتحمل همك و هم غيرك تموت و انت واقف على حيلك	اتجوز غازية و لا تتجوزش غمراوية
اتعلم الأدب من قليل الأدب	اترك الهم ينساك و ان افتكرته ضناك
اتهان الورد و اتبدر لما بقى مخاول البقر	اتعلم الكرم من البخيل
اتوصوا بينا ياللى حكمتونا احنا العبيد و انتوا اشتريتونا	اتوصوا ببعضكم جات الغربة داهية
اجرى يا خايبة للغايبة	اجرى يا ابن آدم جرى الوحوش غير نصيبك يا ابن أدم لم تحوش
احضر أردبك يزيد خروبة	اجرى يا مشكاح للقاعد مرتاح
احضر أردبك يزيد كيله	احضر أردبك يزيد قدح
احنا كده يا ستات عينا فيه كخ عليه	أحمد أخو الحاج احمد الاتنين اخوات
الأخ أخ مراته و الخايبة تحلف بحياته	احيينى النهاردة و موتنى بكره
اختلافهم رحمة	أخبار البلد مع مين ؟ مع العمى و المكسحين
أخد البال يتعب	اخته فى الخمارة و عامل أمارة
اخطب لبنتك و لا تخطبش لابنك	أخرس و عامل قاضى
اخيط بسلاية و لا المعلمة تقولى هاتى كراية	أخوك ما أهو أخوك و أبوك ما أهو ابوك
الأدب رسمال	أدب ابنك صغير تفرح بيه كبير
ادبح بسك ليلة عرسك	الأدب فضلوه عن العلم
ادعى على ابنى و قلبى يقول اسم الله	أدعي على ابنى و أكره اللى يقول آمين
ادم البخوت للندل و الندلة و مكتكتين الشعر و الهبلة	أدعى على ابنى و قلبى يقول بعيد الشر
ادوروا خبزكم يباركم لكم ربكم	ادوا للأعمى فرخة قالوا ليش حال المفتح
ادى مالك للى عنده مال و ادى عيالك للى عنده عيال	ادى العيش لخبازينه و لو ياكلوا نصه
ادينى النهاردة صوف و خد بكرة خروف	ادينى عمر و ارمينى البحر
إذا غضب الله على قوم اسكنهم بنها و شبين الكوم	إذا اختلف اللصان ظهر السارق و المسروق
إذا كان الغلة تيجى قد التبن كانت الحما تحب مرات الابن	إذا كان عندك السمن قنطار لا تقلى للعدس و لا البصار
إذا كان النبيت دردى و العشيق كردى و النقل فول حار و العشا بصار ايش يكون الحال	إذا كان الكلام من فضة يكون السكوت من دهب
اربط البغل جنب الحمار ان ما تعلم شهيقه يتعلم نهيقه	إذا كنت بتكره حد ما تقولش قدام عيلك
اربط الحمار مطرح ما يقولك صاحبه	اربط الحمار مطرح ما يحب صاحبه
أردب فول و لا أردب شعير	أردب ما هو لك لا تحضر كيله تتعفر ذقنك و ما ينوبك غير شيله
الأرض بفلوس و السما ببلاش	الأرزاق بالله
ارمح فيها يا ابو لجام خيط	اركب المطية يا عطية
استعدل و لا تستعجل	ازرع اسود الراس يقلعلك
اسعى يا عبد و أنا أسعى معاك و ان قعدت يا عبد ما حدش ينفعك	استودوا تستحبوا
اسمع من صاحبك و فتش على قوله	اسم الله على الجلة من النجاسة
إش بعد الكتير و بعد ما كنا صبح القليل يجبر بخاطرنا	اسى الولادة منسى
اشترى بدرهم بلح بقى لى فى الحى نخل	أشبع البهايم و دبر البرسيم
اشتم ستك تعزك	اشترى الجار قبل الدار
اصباح الخير تحبل اصباح الخير تولد	أشكى لمين و كل الناس مجاريح
اربط الغزال ريح الحمار ان ما تعلم من شهيقه اتعلم من نهيقه	اصبر على الجار السو ليروح لتجيله زيحة
أصحاب العقول فى مناحة	أصحاب العرس مشتهين المرق
اصطلحت المقشة و يا البلاعة و الاتنين بقوا جماعة	اصطلح الفار على العرسة و نسيوا الهتيكة و الجرسة
اصلك يرد عليك	اصعب من رمى الحجر من تحت لفوق ظريف المعاني يعاشر قليل الذوق
اضحك و انشرح و اوعى صابعك ينجرح	الأصيل يتعاتب أما الندل ما يتعاتبش
اضرب خالك يعدك	اضرب أبو بشت يخاف العريان
اضرب عاد بثمود و ارقص مع القرد إذا حكمت ما دمت فى دولة القرود	اضرب السليب يخاف المربوط
اطعم الفم تستحى العين	اطبخ يا عبد كلف يا سيد
اظهر و بان و عليك الأمان	اطلب لأخوك الخير ان ما جالك منه يكفيك شره
اعزم و اكرم و أكل العيش نصيب	اعرف صاحبك و اركنه و اعرف عدوك و اركنه
اعمل بطالتك لعدوك	الأعمار بيد الله
اعمل الطيب و ارميه البحر	اعمل الخير و ارميه فى بحر جارى و ان ضاع عند العبد ما يضعش عند البارى
اعمل انت و أنا و المجازى ربنا	اعمل اللى عليك و الباقى على الله
أعمى اتجوز طارشة لا هو شايفها و لا هى سامعاه	اعمل كل شئ تلقى ماعدا القحب و السرقة
أعمى يقول لأعمى سنة سودة اللى تجمعنا	أعمى و بيرمح فى النخل
الأعور فى بلاد العمى اسمه كحيل العيون	أعمى ينادى أطرش لا ده شايف و لا ده سامع
اغسلى حلتك من دمعتك و لا تغسليهاش من زعلتك	الأعور وسط العمى سلطان
افطروا و اتمخطروا و اتغدوا و اتمدوا و اتعشوا و اتمشوا	افطر بيه قبل ما يتغدى بيك
افقر من الفقر	افقر من الدبور
اقرب السكك خالصها	الأقارب كالعقارب
الأقرع حصل أبو تاج	الأقرع بياكل حلاوة ، قال : بفلوسه
اقصر الشر	اقسم للأعرج يسبقك فى الغيط
اقعد اعوج و اتكلم عدل	اقطع راس الكلب و ارميها و اللى فيه خصلة ما يخليها
أكبر منك بيوم يعرف عنك بسنة	اقل بصلة تنزل الدمعة
اكسر للبنت ضلع يطلع لها اتنين	أكتر من الهم على القلب
ايش ينفع الندم بعد العدم	اللى تكره وشه يحوجك الزمان لقفاه
اكفى الطاسة تيجى ألف لقاسة	اكف القلة على فمها تطلع البنت لأمها
أكل الفلاح تفاح ، قال : الفجل أحسن	أكل العيش يحب الخفية
أكلهم تجارة و لبسهم خسارة	أكل و مرعى و قلة صنعة
اكنس بيتك و رشه ما تعرف مين يخشه	أكلونى و هنونى و ها أعرف اللى ولدونى
البسوا لما تقرفوا و البسوا لما تضعفوا	أكيب و سارح بمعزة
البسى خف و اقلعى خف لما ييجى خف يناسبك	البسى خف و اقلعى خف لما يبقاش فى الدنيا و لا خف
ألف البلد شقة و شقة و استخبى على السقا	الألف تجر البيه
ألف عدو برا الدرا و لا عدو جوا الدار	ألف حاوي و لا محلاوي
الله يلعنك يا زمان يا للى خليت للندل كلام و جبت اللى ورا قدام و خليت السيد خدام	الله يخليكي يا شدة ياللى تبينى ده من ده
اللى ادى له خالقه ما حدش يخانقه	اللى اختشوا ماتوا
اللى انت منه و أبوك منه ما تختشي منه	اللى افتكرنى ما عقرنى و لو جاب طوبة و زقلنى
اللى أوله شرط آخره نور	الللى انضرب الكف يستحمل الألف
اللى ايده فى النار تعبان	اللى ايده فى المية غير اللى ايده فى النار
اللى بتجيب سيرتى تحتار حيرتي	اللى ايدى ما هى فى مقطفه ألف عفريت يلهفه
اللى بلا أم حاله يغم	اللى بالفلوس ما تشتهيه النفوس
اللى بتحبل يجيبوا خبرها المجاورين	اللى بلا أم حال يغم و لا بلا أب حاله كرب
اللى بيعاير ما على باله من اللى داير	اللى بنى مصر كان فى الأصل حلوانى
اللى بيته من ازاز ما يرميش الناس بالطوب	اللى بيته من ازاز ما يقلعش بالنهار
اللى بيعفر عفار بيجى على راسه	اللى بيشتغل أحسن من الواقف
اللى تجوز يوم الجمعة ما ينشفلهاش دمعة	اللى تتجوز يوم الأربع على بيت أبوها ترجع
اللى تجى له المصايب يدق الأبواب العالية	اللى تجوز يوم الحد ما يعلاش عليها حد
اللى تحبل فى الفرن تولد فى الجرن	اللى تجيبه الأرياح تاخده الزوابع
اللى تخاف من العرسة ما تربيش كتاكيت	اللى تحمل همه ما يجيش أحسن منه
اللى تستأل بيه يغلبك	اللى تزور بيه الفخراني هات بيه قلل
اللى تسكر بيه افطر بيه	اللى تستسهل به يقتلك
اللى تطبخه العمشة جوزها يتعشى	اللى تشيل الفحل تشيل الوحل
اللى تعرف معنته تعرف نفسيته	اللى تعرف ديته اقتله
اللى تغلب به العب به	اللى تعمله يا فقى فى البناية تلتقى
اللى تقطه أحسن من اللى تمطه	اللى تفكه بايدك ما تفكوش باسنانك
اللى تكره وشه ييجى عليك يوم تحتاج لقفاه	اللى تقول عليه موسى يطلع فرعون
اللى تكرهه دلوقتى تعوزه بكره	اللى تكرهه تجيب الذنب له
اللى جوزها يحبها الشمس تطلع لها	اللى تدلعه الحية يخاف من ديلها
اللى حلم كدب اللى شاف	اللى حبه ربه و اختاره جاب له حاجته حتى باب داره
اللى خلف ما ماتش	اللى حماتها تحبها الشمس تطلع لها
اللى رشك بالمية رشه بالدم	اللى راسها بتوجعها صيت أبوها ينفعها
اللى سبق كل النبق	اللى سبق قعد على الطبق
اللى عاجبه شاريها ما حد مثيلها	اللى طايله اعمله
اللى على البر شاطر	اللى عاجبه من الكحل يتكحل و اللى مش عاجبه من البلد يرحل
اللى على الدنيا بيقاسى همومها	الى على البر عوام
اللى على الدنيا يتولاها	اللى على الدنيا يبكى عليها
اللى عمل جميل يتمه	اللى على راسه بطحة يحسس عليها
اللى عنده عيش و بله عنده الهنا كله	اللى عنده عيش و بله عنده الفرح كله
اللى فى ايدك اقرب لك من اللى فى جيبك	اللى فات مات و احنا ولاد دلوقت
اللى فى البزازات بترضعه الولادات	اللى فى ايد الناس بعيد
اللى فى الحلة تطلعه المغرفة	اللى فى جيبك اقرب من اللى فى جيب غيرك
اللى فيه داء ما يسلهوش	اللى فى ودنه حلقة ما تجوزش عليه صدقة
اللى كواها البين تطبخ محشى	اللى قبلنا قال البركة فى الحبتين
اللى له أول له آخر	اللى لسعته الشوربة ينفخ فى الزبادي
اللى له ظهر ما ينضربش على بطنه	اللى له رقعة ما تدوب له خلقة
اللى له قلب يخاف	اللى له عمر ما تهينوش شده
اللى له عين و راس يعمل زى ما تعمل الناس	اللى له كف ياخده ألف
اللى ما تاخده أم خمسه يبات و يمسى	اللى ما ايدى فى مرجونته ما على منه و لا من جودته
اللى ما تاخده الايد يعيش و يكبر	اللى ما تاخده الايد يعيش و يكيد
اللى ما تقدر له أصبر له	اللى ما تعلموش أمه و أبوه تعلمه الأيام و الليالي
اللى ما تصبحه و ما تمسيه ما تعرف اللى جرى فيه	اللى ما تشبع برسيم فى كيهك ادعوا عليها بالهلاك
اللى ما تعرفه تجهله	اللى ما تغيرش على بعلها حلل الله قتلها
اللى ما فلح البدرى هيجى المستأخر يجرى	اللى ما شاف و لا فنن شاف أى حاجة اتجنن
اللى ما فيه خير تركه خير	اللى فى ايدك يكيدك و اللى فى ايد الناس بعيد
اللى ما لهاش وليه غدرة الزمان جية	اللى ما لكش فيه ما تنحشرش فيه
اللى ما لوش قديم ما لوش جديد	اللى ما لوش شغلة تشغله يفتح الباب و يقفله
اللى ما معاهوش ما يلزموش	اللى ما لوش كبير يشترى له كبير
اللى ما نفعنى بيضى هبكى على بيض بيضى	اللى ما ناكله فى هناهم ناكله فى عزاهم
اللى ما ينفعنى و أنا حيه وقت الممات يوفر مدامعه	اللى ما يبكى على فى الحى و أنا سامعه ساعة الممات يوفر مدامعه
اللى ما يتعب و يبان عليه نيموه و ابكوا عليه	اللى ما يبلع ريق على ريق ما يخلى صاحب و لا رفيق
اللى ما يرضى بالخوخ و لا بشرابه ضرب البمب أولى به	اللى ما يدخل النار فى حب صاحبه دخول الجنة حرام عليه
اللى ما يشترى يتفرج	اللى ما يتعناننيش ورد على راسه ما استعناهوش جزمة فى رجلى
اللى ما يطاوعكش طاوعه	اللى ما يشوفمن الغربال يبقى أعمى
اللى ما يعرف أمك و أبوك يقول العفاريت ولدوك	اللى ما يطلعش شكل أبوه و أمه من أين يجيبوه
اللى ما يقدر على البقرة و عليقها يخلى من طريقها	اللى ما يغليها جلدها ما يغليها ولدها
اللى ما يقدر على الحمرا و عليقها يخلى من طريقها	اللى ما يقدر على الحمارة و عليقها يخلى من طريقها
اللى يموت منين يفوت	اللى ما يقرى العواقب ما لوش فى الدنيا صاحب
اللى ما ينفعش فى الديق ما يعاشر رفيق	اللى ما ينفعش طبلة ينفع طار
اللى ما يجى و باله مشروح طريق السلامة من هنا و يروح	اللى ما يهمك وصى عليه جوز أمك
اللى مش فى ايدك يكيدك	اللى محتاجه بيتك محرم على الجامع
اللى معاه قرش و محيره يجيب به نحل و يطيره	اللى معاه عيش يتعفرت على الجبنة
اللى معاه مال يمشى فى الطريق و يمد و اللى بلا مال قطعة ردا بتسد	اللى معاه قرش و محيره يجيب حمام و يطيره
اللى منك منك و يحمل همك	اللى من دمى ما يخلى من همى
اللى واخد على أكلك يتلمض لك	اللى نحرته بالليل نبططه بالنهار
اللى واكل لحة نية توجعه بطنه	اللى وقع لينصلح لينسلخ
اللى ياكل أوقية عياه دلوعية	اللى ياخد قوتى ناوى على موتى
اللى ياكل على ضرسه ينفع نفسه	اللى ياكل بالخمسة يلطم بالعشرة
اللى ياكل و يبان عليه اسم الله عليه و اللى ياكل و ما يبانش عليه تفوا عليه	اللى ياكل قد الزبيبة ما فيهاش عيا و لا مصيبة
اللى يبيع الجمل ما يدورش على إيراده	اللى يبص لفوق يتعب
اللى يتجوز امنا نقول له يا بابا